| pk 打左成篇野,跟住就hand 機.要再打過
今日係去海洋公園做實驗既一日.好似有個名叫做{動感物理之旅)
一早起床本身諗住同老豆去食早餐架,點知佢已經走左人啦.跟住立即就找左幾個朋友同我一齊去食啦.我地就去左金鐘個一間m記架.食完就已經差唔多到集合時間啦.咁我地去到既時間發現得好小人係度.咁我地就係咁等啦.等完再去到海洋公園都已經過左10點啦
首先我地去左聽一個talk,聽完d set up 之後我地就拿拿聲去搭纜車到另外一邊,係纜車上我地已經做左一個實驗啦. 跟住就去左set 機record d 海豚玩啦.佢地真係好得意呀.玩完我地就去另外一站-跳樓機.
本身我係好唔夠膽玩架.但係成班同學都去,跟住我就鼓起勇氣就去啦.排隊既時候都真係好驚好驚.睇到d 人係上邊咁高既地方好似唔知點咁跳落去.就係想死呀,之後真係到我上去啦,上既時候真係想叫啦.上到最頂等死既時間個腦真係空白架.......跳既時間.哇哇~~~~~好快呀.真係感受到w=mg 啦(之後先知原來當時既力係唔止咁小架) 落到去既時候,感覺到好似死而復生咁.原來都真係幾好玩架!!好開心呀
之後就搞埋d data,就陪nichole老師去買野啦.完全無諗過去買lunch 都要排左一個小時呀,無錯,係足足一個鐘呀~好恐怖呀.食完hea 一陣既時候仲要見到taylor 仔呀,同佢玩左一陣就又要搭返纜車過對面做workshop啦~~可以自己design 一個過山車呀.哈哈~~~
做完就真係放學咁啦.兩個老師都走先,得返我地班28個人一齊去玩呀~我地其中9個人又過返去對面玩遊戲呀.我地先後玩左觀光塔,roller coaster, 仲有就係激流啦.真係好耐都試過咁relax啦.真係好開心既一日呀
玩到大約6點幾既時候就要走啦,因為今日係冬至,要返屋企做冬呀..今日仲買左好多野玩呀~哈哈~~~
好開心的一天,當係聖誕節前夕玩樂的一天吧 |
